САУДЫН АРАБ ОЙРЫН 10 ЖИЛД АЯЛАЛ ЖУУЛЧЛАЛЫН САЛБАРТ 800 ТЭРБУМ ДОЛЛАРЫН ХӨРӨНГӨ ОРУУЛАЛТ ХИЙНЭ

Саудын Арабын Хаант Улсын Аялал жуулчлалын яамны сайд Ахмед Аль-Хатебын мэдэгдсэнээр тус улс ирэх арван жилийн хугацаанд 800 тэрбум долларын хөрөнгө оруулалтыг аялал жуулчлалын салбарт оруулна гэсэн байна.

Өнгөрөгч Ням гарагт болсон Араб-Хятадын бизнес эрхлэгчдийн 10 дахь удаагийн бага хурлын үеэр Аль-Хатеб хэлэхдээ, аялал жуулчлал нь Саудын Арабын ДНБ-ий 4,5%-ийг эзэлж байгаа нь 2019 оныхотой харьцуулахад 3%-иар өссөн үзүүлэлт гэжээ.

Тэрээр 2030 гэхэд ДНБ-ий 10 хүртэлх хувийг аялал жуулчлалаас бүрдүүлэх төлөвлөгөөтэй байгааг нэмж хэлсэн байна.

Мөн Хятадын хөрөнгө оруулагчдыг Саудын Арабын Хаант улсад хөрөнгө оруулах урьд өмнө байгаагүй таатай нөхцөл хүлээж байгааг дуулгажээ.